Այսօր մուտքի ճամբարի վերջին օրն էր։ Սիրում եմ ինքնակրթվել։ Այս մուտքի ճամբարը շատ լավ հնարավորություն է ինքնակրթվելու համար։
Առավոտյան հանդիպեցինք սուրբ Երրորդություն եկեղեցում, որտեղ ուսումնական ժամերգություն էր կազմակերպված։
Այնուհետև եղանք հյուսիսային դպրոցում։ Հանդիպեցինք Ալիսային, ով մեզ սովորեցրեց աշխատել կավով։ Պատրաստեցինք գեղեցիկ կախազարդեր, ափսեներ, ականջողեր, կավեր, կուժեր։ Մեծ ոգևորություն էր ապրում մեզանից յուրաքանչյուրը աշխատելով կավով՝ ստեղծելով գեղեցիկը։
Մայր դպրոցի գրադարանում հանդիպեցինք Մարիետ Սիմոնյանին։ Քննարկեցինք և վերլուծեցինք Կարել Չապեկի առակները։ Շատ հետաքրքիր էր տարբեր մասնագիտություն ունեցողների տեսանկյունը լսելը։
Մարմարյա սրահում մասնակցեցինք ամենաուրախ, ամենաազգային մեդիաուրբաթին։ Հնչեցին հրաշալի կատարումներ՝ հայկական, ազգային, էստրադային։ Մանկավարժական ճամբարի շաբաթվա ընթացքում դպրոցները ներկյացան ուսուցչական համույթներով։ Հրաշալի կատարումներ էին՝ համեմված ազգային երգ ու պարով։ Տուն վերադառնալիս այդ երգերը դեռ հնչում էին ականջիս։ Մուտքի ճամբարի մասնակիցներով հինգ օրվա ընթացքում եղել էինք բոլոր դպրոցներում։ Մասնակցելով առավոտյան պարապմունքներին՝ սովորել էինք բոլոր երգերը և ակտիվ մասնակցում էինք մեդիաուրբաթին ։ Մեծ բավականություն ստացանք՝ ամենասիրելի մեդիաուրբաթից։
Կրթահամալիրը շատ մեծ ու ջերմ ընտանիք է ինձ համար, ուր ոչ միայն աշխատում եմ, այլ նաև, հաճույք եմ ստանում յուրաքանչյուրի հետ շփումից։ Մենք դարձել ենք մի մեծ ընտանիք, որտեղ մեկը մյուսի նկատմամբ ուշադիր է, ընկերասեր, մտերիմ ու հարազատ։ Ես շատ եմ սիրում մեր կրթահամալիրը և շատ ուրախ եմ, որ այս մեծ ընտանիքի անդամ եմ։