Այսօր հեծանվաերթ կազմակերպեցինք մայր դպրոց-արևելյան դպրոց-քոլեջ և նույն ճանապարհով վերադարձանք մայր դպրոց։ Երկարացված օրվա սովորողները շատ ուրախ էին այսօր։ Նույիսկ արտահայտեցին իրենց ուրախությունը։ Հրայր Հովհաննիսյանի պրոֆեսիոնալ օգնությամբ կարողացանք հաղթահարել վերելքներն ու դժվարությունները։ Սովորողները ցանկացան հաջորդ անգամ ավելի երկար հեծանվաերթի մասնակցել։
Рубрика: Հեծանվորդները
Հեծանիվ են վարում երկարացված օրվա ընթացքում
Այս չորեքշաբթի նորից ունեցանք հեծանվավարություն։ Միջին դպրոցի երկարացված օրվա սովորողները շատ են սիրում հեծանիվ վարել։ Նախաձեռնել ենք հեծանվավարության նախագիծ։ Սիրով և մեծ ուրախությամբ են մասնակցում հեծանվավարությանը։
Երկար սպասված հեծանվավարություն
Այսօր միջին դպրոցի երկարացված օրվա սովորողները վայելեցին երկար սպասված հեծանվավարությունը։ Սովորողների մեծ ցանկությամբ ստեղծեցինք նախագիծ Հրայր Հովհաննիսյանի հետ համատեղ։ Այն սովորողները, ովքեր չգիտեին հեծանիվ վարել սովորեցին, ովքեր գիտեին՝ հեծանիվ վարեցին։ Շատ երկար են սպասել սովորողները այս օրվան։ Նույնիսկ ամիսներ շարունակ ցանկանում էին, որ լիներ նման հնարավորություն։ Շնորհակալ եմ հեծանվավարության ակումբին, այսպիսի հրաշալի հնարավորություն ընձեռելուն համար։ Նախագիծը 1 ամիս է լինելու, յուրաքանչյուր շաբաթ հեծանիվ ենք վարելու։ Նաև առաջիկայում հեծանվաերթեր ենք կազմակերպելու։
Հեծանվավարության նախագիծ
Նախագիծ՝ հեծանվավարություն
Մասնակիցներ՝ միջին դպրոցի երկարացված օրվա սովորողներ
Վայրը` մայր դպրոցի դաշտ, Բանգլադեշի տարածք։
Մայիս 10 — հունիսի 11
Նպատակը՝ հեծանվավարության հմտությունների ուսուցում, հեծանվային երթերին մասնակցություն։
Պատասխանատու մարզիչ` Հրայր Հովհաննիսյան
Կազմակերպիչ՝ Աննա Հարությունյան
Հեծանվորդները
Առաջինները շատ են սիրում հեծանիվ վարել։ Արդեն կարողանում են ինքնուրույն վարել։ Մեծ ուրախություն և ոգևորություն են ապրում այդ պահերին։ Նրանք դարձել են փոքրիկ հեծանվորդներ։ Վարելուց հետո էլ անպայման հեծանիվները տեղավորում են։ Եվ սպասում հաջորդ անգամվան։
Հեծանիվ են վարում առաջինները
Շարունակվում են հեծանիվ վարելու պարապմունքները։ Սեպտեմբերի 27-ին առաջին դասարանի սովորողները մեծ ուրախությամբ հեծանիվ էին վարում։ Հերթով բոլորը վարեցին՝ անհամբեր սպասելով հաջորդ պարապմունքին։
Հեծանիվ վարելուց հետո բոլորն ուրախ են։
Սովորում ենք հեծանիվ վարել
Սեբաստացիները սովորում են հեծանիվ վարել։ Մեծ սիրով և ուրախությամբ են սովորում։ Կան երեխաներ, ովքեր կարողանում են վարել։ Հատկապես այն երեխաները, ովքեր առաջին անգամ են սովորում, շատ են ուրախանում։ Երբ բոլորը սովորեն, միասին գնալու ենք ճամփորդության․․․ Շարունակելի․․․