Այսօր առավոտյան հանդիպեցինք հյուսիսային դպրոցում։
Տիար Բլեյանի ողջույնի խոսքով ու ժպիտով օրը սկսեցինք։ Նա շատ ուշադիր է յուրաքանչյուրի նկատմանբ։ Ծանոթացավ կրթահամալիր դիմած նոր մասնագետների հետ։
Կարևորեց նաև մուտքի ճամբարի մասնակցությունը։ Բարի օր մաղթեց բոլորիս և ժպիտով հեռացավ։ Մենք շարունակեցինք երգ ու պարով մեր օրը։ Կրթահամալիրը ազգապահպանման գործով է զբաղվում։ Ազգային երգն ու պարը շատ կարևոր է և՛ դասավանողների, և՛ սովորողների համար։ Մեծ ոգևորությամբ գնացինք բակ, պարտիզպուրակային աշխատանքներ կատարեցինք։ Լավ է, երբ դասավանդողը բազմակողմանի զրագացած է լինում։ Կարևոր է նաև ստեղծագործ միտք ունենալն ու ձեռային աշխատանքները։ Այդ նպատակով քայլեցինք դեպի Արուսյակի արվեստանոց, որտեղ շատ գեղեցիկ աշխատանք կատարեցինք։ Սիրում եմ լինել ազատ երևակայության մեջ ու ստեղծագործել՝ արարելով նորն ու գեղեցիկը, յուրօրինակն ու առանձնահատուկը, որը բնորոշում է յուրաքանչյուրի ներաշխարհն ու հոգեվիճակը։ Չորացրած ծաղիկներով շատ գեղեցիկ կրծքազարդեր պատրաստեցինք։ Մեծ հաճույք ստացանք ու մեզ շատ կարևոր զգացինք, որ մեր պատրաստած կրծքազարդերը պետք է տոնավաճառի ժամանակ ներկայացնեն։ Վաճառքից ստացված հասույթը բարեգործության համար է։ Իսկապես կարևոր ես զգում քեզ, երբ կարողամում ես մաս կազմել բարի գործի։
Մի փոքր ընդմիջումից հետո շարժվեցինք մարզական ակումբի պարապմունքներին։ Ես ընտրել էի հեծանվավարություն և հրաձգություն։ Շատ եմ սիրում հեծանիվ վարել, սակայն 4 տարի առաջ էի վարել վերջին անգամ։ Հրաձգությամբ առաջին անգամ էի զբաղվում։ Գոհարի պրոֆեսիոնալ մոտեցումն օգնեց շատ արագ յուրացնել կանոններն ու լավ արդյունքներ գրանցել։ Մեծ բավականություն ստացա հրաձգությունից նույնպես։ Սիրում եմ ինքնակրթվել բոլոր ոլորտներում։ Ահա այսպիսին էր այսօրվա մուտքի ճամբարում անցկացրած իմ օրը։ Շատ հագեցած ու հետաքրքիր։
Օրվա լուսաբանումն էլ նկարների տեսքով կներկայացնեմ սիրով․
Աննա Հարությունյանի բլոգ 